‎7ஆம் அறிவு - தமிழனின் மிடுக்கான வரலாற்றுப் பதிவு!
புதைந்து கிடந்த தமிழனின் வரலாற்று உண்மையை சொல்லும் படம்.

DEAR viewers HAPPY DEEPAWALI

DEAR  viewers HAPPY DEEPAWALI.....

KADAVUL Thantha

Best Tamil Motivational Video

உங்களுக்கு ஒரு கேள்வி

Oru Naalil Valkai Engum Odathu

An amazing voice tells about LIFE!

Animal Allies 113

ஜெயம்’ ராஜாவின் லேட்டஸ்ட் டென்ஷன்! – ஆயிரம் அறிவு – ரா-100 வந்தாலும் வேலாயுதம் வெற்றிபெறும்

‘ஜெயம்’ ராஜாவின் லேட்டஸ்ட் டென்ஷன்! – ஆயிரம் அறிவு – ரா-100 வந்தாலும் வேலாயுதம் வெற்றிபெறும்

மகள் வர்ணிகாவையும் அழைத்துக் கொண்டு பிரஸ்சை மீட் பண்ண வந்திருந்தார் ‘ஜெயம்’ ராஜா. இந்த தீபாவளி வழக்கத்தை போல இல்லாமல் இந்த முறை ரொம்ப விசேஷமோ விசேஷம். இதுவரை அவர் இயக்கிய எல்லா படங்களும் சூப்பர் டூப்பர் ஹிட் என்பது ஒரு புறம் இருந்தாலும், இந்த தீபாவளிக்கு விஜய் என்ற மாஸ் முதலைக்கு ரீல் ரீலாக தீனி போட்டிருக்கிறாரல்லவா? அந்த சந்தோஷம்தான் முகத்தில் தாண்டவமாடியது! ஜவுளிக்கடைக்கு துணி எடுக்கப் போனா அங்க கேட்கிறான், சார் இந்த வருஷம் [...]


ஷங்கரை முந்திய முருகதாஸ்!


வியாபார விஷயத்தில் ‘எந்திரனை’ தொட்டு விடும் என்று அரசல் புரசலாக பேசப்பட்டு வந்த ’7ஆம் அறிவு’, அதிகாரபூர்வமாக தொட்டே விட்டது. கிட்டத்தட்ட 90 கோடி ரூபாய் வியாபாரம் ஆகியிருக்கிறதாம். சிட்டி, என்எஸ்சி, திருச்சி உள்ளிட்ட ஐந்து ஏரியாக்களை பெரும் விலை கொடுத்து வாங்கியிருக்கிறது ஜெமினி லேப் நிறுவனம். ‘எந்திரன்’ படத்தை வெளியிட்டதும் இவர்கள்தான். வெறும் சூர்யா நடித்த படத்திற்கு இத்தனை மாஸ் இல்லை. கூடவே முருகதாஸூம் இருப்பதால்தான் இந்த மாஸ் என்கிறார்கள் கோடம்பாக்கத்தில். இதே முருகதாஸ் அடுத்து [...]


பருப்பான அக்காவின் பொறுப்பான பதில்!


ஆறு பெண்ணை பெற்றால் அரசனும் ஆண்டி என்றொரு பழமொழி உண்டு தமிழில். இதை அப்படியே மூக்கை அடைத்துக் கொண்டு மொழி பெயர்த்தால் மலையாள பழமொழியாகிவிடும். ஆறு தங்கைகளுடன் பிறந்த பூர்ணாவின் குடும்பம் இப்போது சகல சந்தோஷத்தோடு இருக்கிறது. அதற்கு ஒரே காரணம் பூர்ணாதான். படித்துக் கொண்டிருந்த போதே ஸ்கூல் டிராமாவில் நடித்தவர். இதை விஷுவலாக பார்த்துவிட்டுதான் படத்தில் நடிக்கவும் அழைப்பு வந்தது. இதெல்லாம் பழங்கதை. தனது ஐந்து தங்கைகளுக்காகவும் உழைக்க வேண்டும் என்று முடிவெடுத்த பூர்ணா படிப்பை [...]

தீக்ஷாவின் விபரீத ஆசை! நட்ட நடு ஆத்துல சட்டையெல்லாம் ஈரமாக்கி நிற்க வைப்பார்கள் ஹீரோவையும் ஹீரோயினையும். பாடல் காட்சிகளில் இப்படி நிற்கும் ஜோடிகளுக்கு நீச்சல் தெரியுமா என்று டான்ஸ் மாஸ்டர்களும் கேட்பதில்லை. வெட்கப்பட்டுக் கொண்டு ஹீரோக்களும் சொல்வதில்லை. தண்ணீ­ரில் தவறி விழுந்து, நாக்கு மூக்கெல்லாம் புரையேறி பியூஸ் ஆன ஏராளமான ஹீரோக்களை எனக்கு தெரியும் என்று சிரித்தார் அந்த பெயர் சொல்ல விரும்பாத டான்ஸ் மாஸ்டர். இவர்களை போன்ற மாஸ்டர்களின் மைண்ட் வாய்ஸ் இனி எடுபடாது. நடிகைகளில் பலர் நீச்சல் தெரிந்தவர்களாக [...]

தீபாவளி படம் ரிலீஸ்: தியேட்டர்களில் 7 நாட்களுக்கு 5 காட்சிகள் அனுமதி தமிழ்நாடு திரையரங்கு உரிமையாளர் சம்மேளன தலைவர் அபிராமி ராமநாதன் வெளியிட்டுள்ள அறிக்கையில் கூறி இருப்பதாவது: தீபாவளி பண்டிகை முதல் 26.10.11-ல் இருந்து 1.11.2001 வரை 7 நாட்களுக்கு தியேட்டர்களில் காலை காட்சி நடத்த அரசு அனுமதி வழங்கியுள்ளது. இதற்காக முதல்-அமைச்சர் ஜெயலலிதாவுக்கு திரையரங்கு உரிமையாளர்கள் சார்பிலும் தமிழக மக்கள் சார்பிலும் நன்றி தெரிவித்து கொள்கிறேன். தமிழக மக்கள் தொன்றுதொட்டு கொண்டாடி வரும் பண்டிகைகளில் ஒன்று தீபாவளி. அந்த பண்டிகை நாளில் சினிமா பார்த்து மகிழ வேண்டும் என்பது [...]

அஜீத் படத்தை இயக்க ஆசை – கதையம்சம் உள்ள படங்களே ஜெயிக்கும்; டைரக்டர் ராஜா பேச்சு விஜய்யின் வேலாயுதம் படத்தை டைரக்டு செய்த ஏ.ராஜா சென்னையில் நிருபர்களுக்கு பேட்டி அளித்தார். அவர் கூறியதாவது:-வேலாயுதம் எனக்கு 7வது படம். ரொம்ப பெரிய பட்ஜெட் படமாக அமைஞ்சிருக்கு. 6 படங்களை ரீமேக் செய்தேன். வேலாயுதம் படத்தை ஒரு மூலக்கதையை வச்சி என் சொந்த திரைக்கதையில் படமாக்கி இருக்கேன். என் தம்பி ஜெயம்ரவியை வச்சிதான் 5 படங்களை எடுத்தேன். இப்போது பெரிய ஹீரோவான விஜய்யுடன் சேர்ந்து பண்ணி இருக்கேன். வேலாயுதம் என் திரையுலக வாழ்வில் முக்கிய படமா இருக்கும். [...]

வெங்கட்பிரபு –> சூர்யா + ரவிதேஜா ! ‘மங்காத்தா’ படத்திற்கு கிடைத்த வரவேற்பை அடுத்து வெங்கட்பிரபு STUDIO GREEN நிறுவனம் தயாரிக்கும் படத்தினை இயக்க இருக்கிறார் வெங்கட்பிரபு. இந்நிறுவனம் இதுவரை சூர்யா மற்றும் கார்த்தி ஆகிய இருவரை வைத்து தான் படம் தயாரித்துள்ளது. வெங்கட்பிரபு அடுத்த படத்தின் நாயகனாக சூர்யா நடிக்க இருக்கிறாராம். ‘மங்காத்தா’ படத்தில் அஜீத்தின் நடிப்பைப் பாராட்டியுள்ள சூர்யா, அது போன்ற கதாபாத்திரத்தில் நடிக்க ஆர்வம் இருப்பதைத் தெரிவித்திருந்தார். சூர்யாவின் படங்கள் தெலுங்கில் டப்பிங் செய்யப்பட்டு, அங்கும் வரவேற்பை பெற்று வருகிறது. இந்நிலையில், [...]

அமெரிக்காவில் 7-ஆம் அறிவின் ஆதிக்கம்! நீயா நானா என்று விஜய் தரப்பும், சூர்யா தரப்பும் வாய் சவடால்கள் விட்டுக்கொண்டுருக்க, அமளிதுமளியான ஒரு தீபாவளியை திரையரங்குகள் சந்திக்கப் போவது உறுதியாகி விட்டது. இதற்கிடையில் உதநிதி ஸ்டாலீன் முந்திக்கொண்டதால், அவருக்கு ஆயிரத்து நூறு திரையரங்குகள்(1100) தமிழ்நாடு முழுவதும் கிடைத்துள்ளன. தற்போதைய நிலவரப்படி வேலாயுததுக்கு 600 திரையரங்குகள் மட்டுமே கிடைத்துள்ளன. அதேபோல தியேட்டர் விஷயத்தில் அமெரிக்கா, கனடா ஆகிய நாடுகளிலும் 7-ஆம் அறிவின் ஆதிக்கமே மேலோங்கியிருகிறது. கனடாவில் 40 மாநிலங்களில் 7ஆம் அறிவு படத்தை தலா இரண்டு [...]

அமீர்கான் படத்தில் சிம்பு! லகான் படத்தின் மூலம் இந்திய சினிமாவை ஆஸ்கர்வரை எடுத்துச் சென்றவர் தரமான சினிமாவை நேசிக்கும் பாலிவுட்டின் முன்னனி ஹீரோவான அமீர்கான். லாகனுக்கு பிறகு தொடர்ந்து தரமான படங்களில் நடித்தும் தயாரித்தும் வருகிறார் அமீர். இப்படி இந்த ஆண்டில் இவர் தயாரித்த இரண்டு முக்கியமான படங்கள் ‘தோபி கேட்’ மற்றும் டெல்லி பெல்லி ஆகிய படங்கள். தோபிகேட்டை அமீர்கானின் மனைவியே இயக்கியிருந்தார். முழுநீள நகைசுவைப் படமான டெல்லி பெல்லி பாலிவுட் ரசிகர்களையும் தாண்டி அனைத்து மொழி ரசிகர்களின் பாராட்டையும் [...]

அமெரிக்கா செல்கிறது முப்பொழுதும் உன் கற்பனைகள்…! பாடல் காட்சிகளை படமாக்க அமெரிக்கா பறக்க இருக்கிறது முப்பொழுதும் உன் கற்பனைகள் படக்குழு. ஆர்.எஸ்.இன்போடைன்மெண்ட் சார்பில், பிரம்மாண்டமாக தயாராகும் படம் “முப்பொழுதும் உன் கற்பனைகள்”. இப்படத்தின் நாயகனாக மறைந்த நடிகர் முரளியின் மகன் நடிக்கிறார். “பானா காத்தாடி” படத்திற்கு பிறகு இவர் நடிக்கும் இரண்டாவது படம் இதுவாகும். படத்தில் அதார்வாவுக்கு ஜோடியாக அமலா பால் நடிக்கிறார். படத்தின் சூட்டிங் இறுதி கட்டத்தை எட்டியுள்ள நிலையில், பாடல் காட்சிகளை படமாக்க அமெரிக்கா செல்ல இருக்கிறது முப்பொழும் உன் கற்பனைகள் [...]

வெளியாகும் முன்பே காப்பிரைட் பிரச்சினையில் மாட்டிய ரா ஒன்… ரூ 1 கோடி தர உத்தரவு! படம் வெளியாகும் முன்பே காப்பிரைட் பிரச்சினையில் மாட்டிக் கொண்டுள்ளது ஷாரூக்கானின் ரா ஒன். ஷாரூக்கான் தயாரித்து நடித்துள்ள விஞ்ஞானப் படம் ரா ஒன். இதில் ரஜினி சிறப்புத் தோற்றத்தில் வருகிறார். தீபாவளிக்கு வெளியாகும் இந்தப் படம் காப்பிரைட் பிரச்சினையில் சிக்கியுள்ளது. ரா ஒன் படத்தின் கதை தங்களுடையது என யாஷ் பட்நாயக் என்ற தொலைக்காட்சி நிகழ்ச்சி தயாரிப்பாளர் மும்பை உயர் நீதிமன்றத்தில் வழக்கு தொடர்ந்தார். வழக்கை விசாரித்த தலைமை நீதிபதி மொகித் ஷா மற்றும் நீதிபதி ரோஷன் [...]

இரண்டு ஹீரோயின்களுடன் நடிப்பதில் தவறில்லை : டாப்ஸி! இரண்டு, மூன்று ஹீரோயின்களுடன் நடிப்பது நல்ல அனுபவம்தான் என்றார் டாப்ஸி. தற்போது தெலுங்கு படங்களில் நடித்துவரும் டாப்ஸி, கூறியதாவது: ஒவ்வொரு படத்தின் இயக்குனர்தான் ஹீரோயின்களை தேர்வு செய்கிறார். அவர் உருவாக்கியிருக்கும் கேரக்டருக்கு யார் பொருந்துவார் என்பதை அவர்தான் முடிவு செய்கிறார். அதனால் இப்படி நடித்திருக்கலாமே, அதை செய்திருக்கலாமே என்று கூறுவது நான் பொருட்படுத்தமாட்டேன். தெலுங்கு படங்களில் இரண்டு ஹீரோயின்களுடன் நடிக்கிறீர்களே என்கிறார்கள். அதில் என்ன தவறு இருக்கிறது. கேரக்டரை மட்டும்தான் பார்க்கிறேனே தவிர, உடன் நடிப்பது எத்தனை [...]

ஒரே பெண்ணுடன் என்னையும் மகனையும் இணைத்து பேசுவதா? ஒரே பெண்ணுடன் என்னையும் என் மகனையும் இணைத்து எழுதுவது அறுவறுப்பான ஜர்னலிசம் என்று நாகார்ஜுனா கூறினார். நாகார்ஜுனா மகன் நாக சைதன்யா. இவரும் தெலுங்கு படங்களில் நடித்து வருகிறார். சமீபத்தில் நாக சைதன்யாவுக்கும் அனுஷ்காவுக்கும் திருமண நிச்சயதார்த்தம் நடந்தது என்று ஆந்திராவில் செய்திகள் வெளியாயின. அதற்கு முன் அனுஷ்காவை நாகர்ஜுனா காதலித்து வருவதாகக் கூறப்பட்டது. இதையடுத்து அந்த செய்தியை வெளியிட்ட ஆங்கில பத்திரிகையின் நிருபரை, நாகார்ஜுனா அவதூறாகப் பேசினார் என்று கூறப்பட்டது. இதுபற்றி நாகார்ஜுனா கூறியிருப்பதாவது: சினிமா [...]

சர்வதேச படங்களுக்கு வசந்தபாலன் புகழாரம்! சென்னையில் சர்வதேச பட விழாவை தொடங்கி வைத்த டைரக்டர் வசந்தபாலன், சர்வதேச படங்களை பார்த்ததால்தான் தன்னால் வெற்றி இயக்குனர் ஆக முடிந்தது என்று கூறினார். செவன்த்சேனல் நிறுவனமும், தமிழ் பிலிம் அகடாமியும் இணைந்து சென்னையில் ஆண்டுதோறும் சர்வதேச பட விழாவை நடத்தி வருகின்றன. 8வது ஆண்டாக சர்வதேச பட விழா, சென்னையில் தொடங்கியது. தொடக்க விழா, சென்னை தியாகராயநகரில் உள்ள தேவி ஸ்ரீதேவி தியேட்டரில் நடந்தது. விழாவில், டைரக்டர் வசந்தபாலன் கலந்து கொண்டு சர்வதேச பட விழாவை [...]

ஆர்யாவின் கல்யாண கண்டிஷன்! ‘அரட்டை வித் ஆர்யா… ஓ.கே-யா?’- சென்னை எம்.ஓ.பி. வைஷ்ணவ் கல்லூரி மாணவிகளுக்கு மெசேஜ் தட்டினால், ‘ஓஓஓஓஓகேய்…’ என்று எக்ஸ்பிரஸ் ரிப்ளை. இந்தப் பக்கம் ஆர்யாவுக்கு மெசேஜ் தட்டினால், ‘நண்பேன்டா.’ என்று மின்னல் ரிப்ளை. இனி ஓவர் டு தித்திப்பு மத்தாப்பூ சந்திப்பு! டி-ஷர்ட்டுக்கு மேட்ச்சான சிவப்பு நிற ‘ஐ 20’ காரில் வந்து இறங்கிய ஆர்யாவை, அப்படியே வகுப்பறைக்குக் கடத்திச் சென்று பாடம் நடத்தத் தொடங்கிவிட்டார்கள் ‘சின்சியர்’ மாணவிகள்! ‘டெபிட், கிரெடிட்’ என்று போர்டில் ரூபல் கணக்கு [...]

Rare Twins

Plastic Surgery Disaster(Jocelyn Wildenstein)

Ranbir & Sonam Kapoor at WAR again

Actress Genelia Gallery

genelia is the very good actress,,

 

மகளிர் அழகு குறிப்புகள்-Tamil Beauty Tips

-

Tamil Beauty Tips  

மகளிர் அழகு குறிப்புகள்


நமது சமையலில் முக்கிய இடம்பெறும் தேங்காய், நமது தேகத்தை அழகாக வைத்துக்கொள்ளவும் உதவுகிறது. தலை முதல் பாதம் வரை மென்மை, பளபளப்பை தாராளமாய் அள்ளித்தரும் தேங்காய், நம்மை தன்னம்பிக்கையுடன் நடைபோட வைக்கும் என்பதில் மாற்றுக்கருத்தே இல்லை.
* வழுக்கை தேங்காயை நன்கு அரைத்து, அதனோடு சிறிதளவு இளநீர் கலந்து முகத்தில் கீழ் இருந்து மேல்நோக்கி பூசி, அது உலர்ந்ததும் நீர் கொண்டு சுத்தம் செய்துகொள்ள வேண்டும். தினமும் இப்படி செய்து வந்தால் மாசு மருவின்றி முகம் மிளிரும். கரும் புள்ளிகள் இருந்தால் கூடிய விரைவில் அவை காணாமல் போய்விடும்.
* வெயில் காலங்களில் சூரியஒளி பட்டு முகம் கருப்பாவது வழக்கம். பலருக்கு வெளியூர் சென்றால்கூட இதுபோன்ற நிலை ஏற்படும். முகம் கருப்பாவதை தடுக்கவும் தேங்காய் உதவுகிறது. தேங்காய் பால் 2 ஸ்பூன், கடலை மாவு ஒரு ஸ்பூன் எடுத்து, இரண்டையும் கலந்து பசைபோல ஆக்கிக்கொள்ள வேண்டும். இந்த பசையை முகத்தில் பூசிக்கொண்டு, உலர்ந்ததும் தண்­ணீர் கொண்டு கழுவிவிட வேண்டும். வாரம் இருமுறை இப்படி செய்து வந்தால் முகம் பிரகாசமாகும்.
- கேரள பெண்கள் ஏன் கொள்ளை அழகுடன் ஜொலிக்கிறார்கள் என்பதற்கான காரணம் இப்போது உங்களுக்கு புரிந்திருக்குமே...

அழகு குறிப்புகள்:அழகு தரும் ஆப்பிள்! ,,,,

தினமும் ஒரு ஆப்பிள் சாப்பிட்டால் டாக்டரையே அணுக அவசியமில்லைங்கிறது ஆங்கில பழமொழி. ஆனால் ஆப்பிள் ஒரு அழகுக்கலை நிபுணரையே உள்ளே அடக்கியிருக்கிறது என்பதுதான் லேட்டஸ்ட் அழகுமொழி...........! 

* சருமத்தின் பளபளப்பை அதிகரிக்க, 2 டேபிள்ஸ்பூன் ஆப்பிள் விழுது, 1/2 ஸ்பூன் பால் பவுடர், 1/2 ஸ்பூன் பார்லிபவுடர் பால் கலந்து முகத்தில் தேய்க்கவும்.

* ஆப்பிள் விழுது, தக்காளி விழுது, தர்பூசணி விழுது மூன்றையும் சம அளவு எடுத்து, பஞ்சில் முக்கி முகத்தில் ஒற்றி எடுத்தால் முகம் நல்ல பிரகாசமாகவும் குளுமையாகவும் இருக்கும்.

* ஆப்பிள்சாறு, வெந்தயத்தூள், சீயக்காய்த்தூள் ஆகியவற்றை வெந்நீரில் கலந்து தலைக்கு தேய்த்து அலசினால் முடி பிசுபிசுப்பு நீங்கிவிடும்.

1. * ஆப்பிள் இலைகளை காயவைத்து அதனை பொடியாக்கி ஷாம்பு அல்லது சீயக்காய்த் தூளுடன் கலந்து தலைக்கு தேய்த்து குளித்தால் கூந்தல் மென்மையாகும்,,,,

அழகு குறிப்புகள்:முதுமைச்சுருக்கமின்றி இளமையழகுடன் திகழ.....!

முதுமைச்சுருக்கமின்றி இளமையழகுடன் திகழ உண்ணவேண்டிய அழகான உணவுகள்..!

* வைட்டமின் ஈ சத்து நிறைந்த பாதாம், பிஸ்தா, முந்திரிப்பருப்பு போன்ற கொட்டை வகைகள், விதைவகைகளான வேர்க்கடலை மொச்சைப் பயறு வகைகளை அழகிய உணவு வகைகளாக உங்கள் அன்றாட உணவில் அளவோடு சேர்த்துக் கொள்ளுங்கள். அதன் மூலம் உங்கள் மேனி முதுமைச் சுருக்கமின்றி இளமையுடன் திகழும்!

* உங்கள் உடம்பின் கொலஸ்ட்ரால் அளவை கட்டுப்படுத்தும் ஹை டென்ஸிட்டி லைபோபுரோட்டீன் (ஹெச்.டி.எல்) சத்து நிறைந்த ஆலிவ் எண்ணெய் உங்கள் மேனியை உலர விடாமல் ஈரப்பசையுடன் மின்னிப்பிரகாசிக்கச் செய்யும்!

* ஒமேகா 3 கொழுப்பு அமிலச்சத்து, வைட்டமின் பி 12, புரோட்டீன் மற்றும் இரும்புச்சத்து நிறைந்த மீன் மற்றும் மீன் எண்ணெய் அழகிய உணவு வகைகளில் முதன்மை உணவாகத் திகழ்கிறது! ஒமேகா 3 கொழுப்பு அமிலச்சத்து உங்கள் தலையின் மேற்பகுதியை என்றென்றும் ஈரப்பசையுடன் வளமாகத்திகழச்செய்து தலைமுடி செழிப்பாக வளர உதவுகிறது.

* நாள் முழுக்க வேலை செய்தால் கண்கள் சோர்ந்து போகும்.அப்போது வைட்டமின் ஏ சத்து நிறைந்த கேரட்டினை உட்கொள்ளுங்கள். சோர்வு நீங்கி கண்கள் புத்தொளி பெறும். சுறுசுறுப்படைவீர்கள்!

* கந்தகம் மற்றும் சிலிகான் சத்து நிறைந்த பிராக்கோலி இலைகள் நக வளர்ச்சிக்கு மட்டுமன்றி மன அமைதிக்கும் உகந்தது. பிராக்கோலி மர இலைகள் கிடைக்காவிடில் அதற்கு இணையான காலிபிளவர் மற்றும் பீட்ரூட் இலைகள் நக வளர்ச்சிக்கு பேருதவி புரிகின்றன.

* வைட்டமின் டி சத்து நிறைந்த பால், கால்சியம் சத்து நிறைந்த பச்சை கீரை வகைகள், பாஸ்பரஸ் சத்து நிறைந்த பூசணி விதை போன்றவைகளும் அழகிய உணவுப் பட்டியலில் இடம் பெறுகிறது. அவை எலும்பு வளர்ச்சிக்குத் துணைபுரிந்து, ஆஸ்ட்டியோபீனியா என்ற எலும்புத்தளர்ச்சி மற்றும் வலுவின்மை என்கிற நோயிலிருந்து காப்பாற்றுகிறது. இந்த உணவு வகைகளை நம் அன்றாட உணவில் அளவோடு உட்கொண்டால் அழகாக வாழலாம்!

சாதனைப் பெண்கள்:இலங்கை வீராங்கனையை தோற்கடித்த பாரதி!

சாதனைப் பெண்கள்:இலங்கை வீராங்கனையை தோற்கடித்த பாரதி!

அமைதி தவழும் வீடு. சதுரங்கப் பலகையில் காய்களை அடுக்கி வைத்து விளையாடிக் 

கொண்டிருக்கிறார், பாரதி. இவர் ஒரு சாதனைப் பெண். தேசிய சப்-ஜூனியர் சாம்பியனாகத் திகழ்ந்தவர். சமீபத்தில் 

இலங்கையில் நடைபெற்ற ஆசிய ஜூனியர் சதுரங்க சாம்பியன்ஷிப் போட்டியில் வெள்ளிப் பதக்கம் வென்று திரும்பியிருப்பவர். பாரதியின் கவனத்தை சதுரங்கப் பலகையில் இருந்து நம் பக்கம் திருப்பி, பேசினோம்...

இலங்கை போட்டி

இலங்கை தலைநகர் கொழும்பில் கடந்த 1-ம் தேதி முதல் 9-ம் தேதி வரை ஆசிய ஜூனியர் சதுரங்கப் போட்டி நடைபெற்றது. இந்தியா, இலங்கை, மலேசியா, மாலத்தீவுகள், உஸ்பெக்கிஸ்தான், ஐக்கிய அரபு எமிரேட் உள்ளிட்ட 7 நாடுகளைச் சேர்ந்த வீரர், வீராங்கனைகள் பங்கேற்றோம். இந்தியாவில் இருந்து சென்ற மகளிர் அணியில் 5 பேர் இடம்பெற்றிருந்தோம். அதில், நான், சரண்யா, பொன்கிருத்திகா ஆகிய 3 பேர் தமிழகத்தைச் சேர்ந்தவர்கள் என்பது குறிப்பிடத்தக்கது.

இந்தப் போட்டியில் இந்திய வீரர், வீராங்கனைகளின் ஆதிக்கமே நிலவியது. இந்திய வீராங்கனைகளுக்குச் சவாலாக இருந்தவர்கள் சக இந்திய வீராங்கனைகள்தான். நான், பஸ்நாயகே என்ற இலங்கை வீராங்கனையை வென்று இறுதிச் சுற்றுக்கு முன்னேறினேன்.

இறுதிச் சுற்றில், கோவாவைச் சேர்ந்த மகளிர் கிராண்ட் மாஸ்டர் பக்தி குல்கர்னியைச் சந்தித்தேன். ஏறக்குறையை மூன்று சுற்றுக்கு முன்பே அவருக்குத் தங்கப் பதக்கம் உறுதியாகியிருந்தது. அவருடன் நான்கு மணி நேரம் போராடித் தோற்ற நான், வெள்ளிப் பதக்கம் பெற்றேன். வெற்றியை நழுவவிட்ட போதும், சிறந்த வீராங்கனையிடம் தோற்ற திருப்தி எனக்கு இருக்கிறது.

'ஸ்பெஷல்' வெற்றி

இலங்கையில் நான் வெள்ளிப் பதக்கம் வென்றது குறிப்பிடத்தக்க ஒன்று. இப்போட்டியில், 18 வயதே நிரம்பிய நான், 20 வயதுக்கு உட்பட்ட வீராங்கனைகளுடன் போட்டியிட்டு இவ்வெற்றியைப் பெற்றிருக்கிறேன். ஆனால் நான் இதைவிட முக்கியமானதாகக் கருதுவது, கடந்த ஆண்டு சென்னையில் நடைபெற்ற ஆசிய ஜூனியர் சதுரங்கப் போட்டியில் நான்காவது இடம்பெற்றதை.

சுமார் 15 நாடுகளைச் சேர்ந்த வீரர், வீராங்கனைகள் பங்கேற்ற அப்போட்டி, மிகவும் சவாலானதாக இருந்தது. இறுதிச் சுற்றில் இதே பக்தி குல்கர்னியுடன் 'டிரா' செய்த நான், நான்காவது இடம் பெற்றேன். பதக்கம் வெல்லும் வாய்ப்புக் கிட்டவில்லை என்றபோதும், அப்போட்டியில் எனது செயல்பாடு சிறப்பாக இருந்ததாகக் கருதுகிறேன்.

தேசிய பட்டம்

நான் கடந்த 2008-ம் ஆண்டு தேசிய மகளிர் சப்-ஜூனியர் சாம்பியன் பட்டம் பெற்றேன். கர்நாடக மாநிலம் மங்களூரில் நடைபெற்ற போட்டியின் இறுதிச் சுற்றில் நான் மேற்கு வங்காள வீராங்கனை சுகன்யா தத்தாவை எதிர்கொண்டு வென்றது மறக்க முடியாதது. கடந்த ஆண்டு புவனேஸ்வரில் நடைபெற்ற, முன்னணி வீராங்கனைகள் பங்குபெறும் பெருமைக்குரிய தேசிய பிரீமியர் 'ஏ' போட்டியில் 10-வது இடம் பெற்றதையும் சிறப்பானதாகக் கருதுகிறேன். செஸ்சை பொறுத்தவரை சிறு சறுக்கலும் எங்கோ பாதாளத்தில் கொண்டுபோய் விட்டுவிடும். கோப்பை வெல்லும் நிலையில் இருந்து கிடுகிடுவென்று கீழே போய்விடுவோம். அந்த வகையில், நான் மேற்கூறிய சில போட்டிகளில் பட்டம் வெல்லவில்லை என்றாலும், தனிப்பட்ட முறையில் பெருமையாக உணர்ந்திருக்கிறேன்.

'சென்டிமென்டும்', பலவீனமும்

செஸ் விளையாட்டின் நிலையற்ற தன்மை காரணமாக இதை விளையாடுவோருக்கு நிறைய 'சென்டிமென்ட்' உண்டு. நானும் எங்கள் வீட்டில் உள்ள மீன் தொட்டியை ராசியானதாக கருதுகிறேன். குறிப்பிட்ட ஆடையை அணிந்து சென்றால் நன்றாக ஆட முடியும் என்ற நம்பிக்கை உண்டு. ஆனால், வீம்புக்காகவே 'ராசியில்லாத' ஆடையை 'தில்'லாக அணிந்து சென்று வென்றதும் நடந்திருக்கின்றன. முக்கியமான போட்டிகளில் இறுதிச் சுற்றில் நெருக்கடியை உணர்ந்து வெற்றியை நழுவ விடுவது எனது பலவீனமாக இருக்கிறது. அதனாலேயே, பல குறிப்பிடத்தக்க பட்டங்களைக் கைநழுவ விட்டிருக்கிறேன். இனிமேல், முடிவு பற்றி யோசிக்காமல் ஆட்டத்தில் கவனம் செலுத்தி ஆடணும் என்று உறுதி கொண்டிருக்கிறேன்.

படிப்பில் ஜொலிக்கிறேன்

விளையாட்டு, படிப்பு இரண்டிலும் சிறப்பாகச் செயல்படும் மாணவர்கள் கொஞ்சம் குறைவுதான். அந்தவகையில் நான் இவை இரண்டிலுமே ஜொலிப்பதாக நினைக்கிறேன். 9-ம் வகுப்பு வரை பள்ளியில் முதல் மாணவி நான்தான். இந்தாண்டு பிளஸ் 2-வில் 96.3 சதவீத மதிப்பெண்கள் பெற்றிருக்கிறேன். தொடர்ந்து, படிப்பு, செஸ் இரண்டையும் 'பேலன்ஸ்' செய்ய முடியும் என்று நம்புகிறேன். பொறியியல் கல்லூரியில் சேர்ந்து, 'நானோ டெக்னாலஜி' பயிலத் தீர்மானித்திருக்கிறேன்.

தமிழகத்தின் ஆதிக்கம்

சதுரங்கக் களத்தில் தேசிய, சர்வதேச நிலையில் தமிழக வீரர், வீராங்கனைகள் ஆதிக்கம் செலுத்தி வருகிறார்கள். அதற்கு, தமிழக சதுரங்கக் கழகத்தின் ஆதரவு, ஊக்குவிப்பு, சிறந்த பயிற்சியாளர்கள், நல்ல வீரர், வீராங்கனைகளுடன் அடிக்கடி மோதும் வாய்ப்பு, சர்வதேச அளவில் சாதிப்போரால் கிடைக்கும் ஊக்கம் ஆகியவை முக்கியக் காரணம். தனிப்பட்ட முறையில், நான் படித்த முகப்பேர் வேலம்மாள் பள்ளியில் அதன் தலைவர் முத்துராமலிங்கம் அளித்த பொருளாதார உதவியுடனான ஊக்கம், சதுரங்கப் பொறுப்பாளர் ராஜ்மோகன் அளித்த உறுதுணை, நான் தற்போது பயிற்சி பெறும் 'செஸ் குருகுல்'லின் பயிற்சியாளர்கள் ஆர்.பி. ரமேஷ், கணேஷ், கூடியமட்டும் என்னுடன் போட்டிகளுக்கு வரும் எனது பெற்றோர் (அப்பா- ராமராஜ், அம்மா- உஷா) ஆகியோரே எனது வெற்றிகளின் பின்னணி.

ஸ்கேட்டிங், ஸ்விம்மிங்...

சிறுவயதில் துறுதுறுவென்று திரிந்து கொண்டிருந்த என்னை ஓரிடத்தில் உட்கார வைப்பதற்காகத்தான் எனக்குப் பெற்றோர் சதுரங்கம் கற்றுக் கொடுத்தனர். செஸ் தவிர, ஸ்கேட்டிங், நீச்சல், பரத நாட்டியம் கற்றேன். ஆனால் இவையெல்லாம் காலப்போக்கில் விடைபெற்றுவிட, செஸ் மட்டும் என்னுடன் தொடர்கிறது. எனக்கு 'ரிலாக்ஸ்' அளிக்கும் விஷயமாக இசை மட்டும் மாறவில்லை. ஆறாம் வகுப்பு படிக்கும்போது தொடங்கிய எனது சதுரங்கப் பயணத்தைத் திரும்பிப் பார்க்கிறபோது மகிழ்ச்சி ஏற்படுகிறது. எனது கடின உழைப்புக்கு ஏற்ற பலன் கிட்டியிருப்பதாகக் கருதுகிறேன். மற்றபடி, சதுரங்கத்துக்காக நான் நிறைய தியாகங்கள் செய்ய வேண்டியிருந்தபோதிலும் அதில் எனக்கு வருத்தம் ஏதும் இல்லை.

சதுரங்கத்தில் தொடர் கவனம்

சதுரங்கத்தில், டபிள்யூ.ஐ.எம்., டபிள்யூ.ஜி.எம். என்று நான் எட்ட வேண்டிய படிகள் இருக்கின்றன. இரண்டு, மூன்றாண்டுகளில் இவற்றைச் சாதிக்க முடியும் என்ற நம்பிக்கை எனக்கு இருக்கிறது. எனவே எனது சதுரங்கப் பயணம் தொடர்கிறது. பயிற்சியாளர்கள், பெற்றோர், எனது நலம் விரும்பிகள் சந்தோஷம் அடையும் வகையில் புதிய உயரங்களை எட்டுவேன்.

பாரதியின் 'பளீர்' புன்னகையில் நம்பிக்கை மறைந்திருக்கிறது!

ஊனத்தை வென்று சாதிக்கும் மாதவி லதா!

சாதனைப் பெண்கள்:ஊனத்தை வென்று சாதிக்கும் மாதவி லதா!

எவ்வளவோ சோதனைகள் வந்த போதிலும் மனம் தளராத தன்னம்பிக்கையின் மொத்த உருவமாக இருக்கிறார் மாதவி லதா.,,,,,,,,,

"நான் பிறந்து 7 மாதம் ஆனபோது திடீரென்று கடுமையான காய்ச்சல் ஏற்பட்டது. அதுவரை நன்றாக இயங்கிக் கொண்டிருந்த எனது கால்கள் நடக்க முடியாமல் போனது. அப்போதுதான் எனக்கு ஏற்பட்டது போலியோ பாதிப்பு என்பது தெரிய வந்தது. அதன்பிறகு பல சோதனைகள். அதையெல்லாம் கடந்து வந்து 40 ஆண்டுகள் ஆகிவிட்டது. இப்போது நான் முன்பிருந்ததைவிட சந்தோஷமாக இருக்கிறேன். நாங்கள் சென்னைக்கு குடியேறிய பிறகுதான் இந்த மாற்றம் நிகழ்ந்துள்ளது..." என்கிற மாதவி லதா, ஆந்திர மாநிலம் ஐதராபாத் அருகே உள்ள கிராமத்தில் பிறந்தவர். 5 ஆண்டுகளுக்கு முன்புதான் பெற்றோரோடு சென்னைக்கு தொழில் நிமித்தமாக குடிபெயர்ந்து இருக்கிறார்.

மாற்றுத் திறனாளிகளால் சுலபமாக செய்துவிட முடியாத நீச்சல் பயிற்சியில் தனித்திறன் பெற்று, இந்த ஆண்டு சென்னையில் நடந்த கார்பரேட் கம்பெனிகளில் பணியாற்றும் மாற்றுத் திறனாளிகளுக்கான 'ஒலிம்பியாட்' போட்டியில், ப்ரீ ஸ்டைல் 100 மீட்டர் நீச்சல் பிரிவில் வெண்கலப் பதக்கம் வென்றுள்ளார். அதே போட்டியில், கடந்த 2010-ம் ஆண்டு 'சிறந்த ஊக்கமளிக்கும் விளையாட்டு வீராங்கனை' என்கிற விருதையும் பெற்றுள்ளார்.

மேலும், மாற்றுத் திறனாளிகளுக்கு ஊக்கம் கொடுக்கும் வகையில் பல்வேறு விழிப்புணர்வு நிகழ்ச்சிகளில் பங்கு கொண்டு பேசி வரும் இவர், அவர்களுக்காக 'யெஸ், வீ டூ கேன்' என்கிற அமைப்பையும் ஏற்படுத்தி நடத்தி வருகிறார். தனியார் நிறுவனம் ஒன்றில் சீனியர் மேலாளராகவும் பணிபுரிகிறார்.

இனி, அவர் நம்முடன் பேசியதில் இருந்து...

நீச்சல் போட்டியிலும் நம்மால் சாதிக்க முடியும் என்கிற எண்ணம் உங்களிடம் எப்படி ஏற்பட்டது?

"2007-ம் ஆண்டு கடுமையான முதுகுவலியால் அவதிப்பட்டேன். சென்னையில் உள்ள பிரபல பிசியோதெரபிஸ்ட் ஆனந்தஜோதி என்பவரிடம் சிகிச்சை பெற்றேன். அவர் எனக்கு தண்ணீ­ருக்குள் இருக்கும் 'ஹைட்ரோதெரபி' என்கிற சிகிச்சையை அளித்தார். உடல் செயல்பாடு இல்லாதவர்களுக்கான சிகிச்சை முறை இது. பொதுவாக என்னைப் போன்ற மாற்றுத் திறனாளிகள் தரையில் உபகரணங்கள் உதவியுடன் நடமாடும்போது அவர்களது உடல் எடை காரணமாக எலும்பு மூட்டு பகுதிகளில் அதிக வலி ஏற்படும். தண்­ணீருக்குள் உடலின் எடை குறைவு என்பதால், அங்கே கை, கால்களை சுலபமாக அசைக்க முடியும். ஹைட்ரோதெரபி இதுபோன்ற உடற்பயிற்சி என்பதால் நானும் அதை தொடர்ச்சியாக செய்ய ஆரம்பித்தேன். அதற்கு உடனடியாக பலனும் கிடைத்தது. ஆரம்பத்தில் இருந்த வலி படிப்படியாக காணாமல் போய்விட்டது. என் உடலில் ஏற்பட்ட இந்த மாற்றத்திற்குப் பிறகுதான் ஒலிம்பியாட் நீச்சல் போட்டியில் பங்கேற்கும் ஆர்வம் ஏற்பட்டது. அதில் பங்கேற்று பரிசும் பெற்றேன்.

மாற்றுத் திறனாளி என்பதற்காக வருத்தப்பட்டது உண்டா?

சின்ன வயதில்தான் ரொம்பவும் கஷ்டமாக இருந்தது. ஆனாலும், இதே உடலோடுதான் இந்த பூமியில் வாழ்ந்தாக வேண்டும் என்பதால் மனதை தேற்றிக்கொண்டேன். 10-ம் வகுப்புவரை ஆந்திராவில் உள்ள ஒரு பள்ளிக்கூடத்தில் படித்தேன். பிளஸ்-1, பிளஸ்-2 வகுப்புகள் மாடிக் கட்டிடங்களில் நடத்தப்பட்டதாலும், அந்த வகுப்பு நடைபெறும் அறைக்கு என்னைப் போன்ற மாற்றுத் திறனாளிகள் வீல் சேரில் சென்று வர வசதி செய்யப்படாத காரணத்தாலும் எனது நேரடியான பள்ளி மேற்படிப்பு தடைபட்டது. அதேநேரம், பிரைவேட்டாக தேர்வு எழுதி தேர்ச்சி பெற்றேன். இன்று நான் படித்துள்ள எம்.பி.ஏ., மற்றும் சில சான்றிதழ் படிப்புகள் எல்லாமே பிரைவேட்டாக எழுதி தேர்ச்சி பெற்றவைதான். இந்த படிப்புகளுக்காக நான் எந்த விசேஷ பயிற்சிக்கும் செல்லவில்லை. எல்லாம் நானாக படித்ததுதான்.
  
போலியோ விழிப்புணர்வில் உங்களது இன்றைய பங்களிப்புகள்...

'யெஸ், வீ டூ கேன்' அமைப்பின் மூலம் என்னால் முடிந்த உதவிகளை மாற்றுத் திறனாளிகளுக்காக செய்து வருகிறேன். பெரும்பாலான மாற்றுத் திறனாளிகளுக்கு தங்கள் மீதே நம்பிக்கை இல்லை. தங்களால் ஒரு விஷயத்தை செய்ய முடியுமா, முடியாதா என்று நினைத்தே, பயந்து ஒதுங்கிக் கொள்கிறார்கள். ஆரம்பத்தில் நான்கூட என்னால் தண்­ணீரில் நீந்த முடியும் என்று நம்பியதில்லை. ஹைட்ரோதெரபி சிகிச்சையை மேற்கொள்ளும்போதுதான் நம்மாலும் நீந்த முடியும் என்கிற நம்பிக்கை வந்தது. கால்கள் ஊனமான மாற்றுத் திறனாளி ஒருவர், ஷூ போட்டுக்கொண்டும், மற்ற உபகரணங்கள் கொண்டும் நடக்க முயற்சிப்பதைக் காட்டிலும் படிப்படியாக நீச்சல் பயிற்சி கற்றுக்கொள்வது சிறந்தது.

நீச்சல் பயிற்சியின்போது கை, கால்களை சுலபமாக அசைக்க முடிகிறது. இதன் மூலம் அந்த பகுதிகளின் தசைகள் இன்னும் வலுப் பெறுகின்றன. இந்த பயிற்சியை தொடர்ந்து செய்து வந்தால், பிறர் உதவியுடன்தான் நடக்க வேண்டும் என்கிற நிலையில் உள்ள மாற்றுத் திறனாளிகள்கூட சுலபமாக உபகரணங்கள் உதவியுடன் நடக்க முடியும்.

ஆரம்பத்தில் எனக்கும் மற்றவர்களின் உதவி தேவைப்பட்டது. இப்போது நானே என் தேவைகளைப் பூர்த்தி செய்கிறேன். தினமும் அலுவலகத்திற்கு செல்ல நானே காரை ஓட்டிக்கொண்டு செல்கிறேன். இதன் மூலம் என்னையும் சாதாரண மனுஷியாகவே உணர்கிறேன். என்னைப் போன்று பிற மாற்றுத் திறனாளிகளும் மன அளவில் தன்னம்பிக்கை பெற பல்வேறு உதவிகளை என்னுடைய அமைப்பின் மூலம் இலவசமாக செய்து வருகிறேன். அதோடு, பல்வேறு நிகழ்ச்சிகளில் பங்கேற்று விழிப்புணர்வையும் ஏற்படுத்தி வருகிறேன்.

உங்கள் பார்வையில் தன்னம்பிக்கை என்பது...

இப்போது மாற்றுத் திறனாளிகளை இந்த சமுதாயம் மட்டுமின்றி, அவர்களது பெற்றோரும் புறக்கணிக்கிறார்கள். மாற்றுத் திறனாளிகளும் மனிதர்கள்தான். மற்றவர்களைப் போன்று விளையாட இவர்களும் முயற்சிக்கலாம். வாலிபால் விளையாட ஆசைப்பட்டால் தரையோடு ஒட்டி வலையை கட்டிக்கொள்ளுங்கள். வாலிபால் மட்டுமின்றி, வீல் சேரில் இருந்து கொண்டே டென்னிஸ், பேட்மிண்டன் விளையாடவும் செய்யலாம். முடியும் என்றால் நிச்சயம் முடியும்.

உங்களை பிரமிக்க வைத்தவர்?

அமர் சேவா சங்கத் தலைவரான ராமகிருஷ்ணன் என்பவர். கயிறு அறுந்து கீழே விழுந்ததில் தலை அசைப்பதைத் தவிர மற்ற உடல் பாகங்களின் இயக்கம் திடீரென்று தடைபட்டுப் போனவர். விபத்திற்குப் பிறகு இவரால் சுயமாக செயல்பட முடியவில்லை. அவர் பேப்பர் படிக்க ஆசைப்பட்டால்கூட இன்னொருவர் அவர் முன்பு அதை பிரித்துக் காண்பிக்க வேண்டும். இப்படிப்பட்ட சூழ்நிலையிலும் அவர் மாற்றுத் திறனாளிகளுக்காக அமர் சேவா சங்கத்தை ஏற்படுத்தி பல்வேறு உதவிகளை செய்து வருகிறார்.

கடவுள் உங்களுக்கு உதவ முன் வந்தால்...

எனக்கு பெற்றோர்தான் கடவுள். ஒருவேளை கடவுள் நேரில் வந்தால், 'என்னைப் போன்ற மாற்றுத் திறனாளிகள் எல்லோருக்கும் நிறைய தன்னம்பிக்கையை கொடுங்கள்' என்றுதான் கேட்பேன். எனக்காக எதுவும் கேட்க மாட்டேன். ஏனென்றால், நான் இப்போது சந்தோஷமாகத்தான் இருக்கிறேன்.

அடுத்த பிறவி இருந்தால்...

ஒரு பிறவி என்ன, 100 பிறவிகள் எடுத்தாலும் ஒரு பெண்ணாகவே பிறக்க ஆசைப்படுகிறேன். இதே மாதவியாக இருந்தாலும் சரி, அல்லது நார்மல் பெண்ணாக இருந்தாலும் சரி, தன்னம்பிக்கை உள்ள பெண்ணாக பிறக்க வேண்டும். தன்னம்பிக்கை இல்லையென்றால் வாழ்வதில் அர்த்தம் இல்லை.

ஆக்கப்பூர்வமான உங்களது அறிவுரை ஏதும்...

முதலில் மாற்றுத் திறனாளிகளுக்கு... நம்மால் முடியாதது எதுவுமே இல்லை. உங்களால் என்ன முடியும் என்பதை முதலில் கண்டறியுங்கள். முடியும் என்று நினைத்த இலக்கை நோக்கி பயணிக்க வேண்டும். அடுத்து, இன்றைய சமுதாயத்திற்கு... மாற்றுத் திறனாளிகளுக்கு முடிந்தவரை உதவுங்கள். அவர்களை எக்காரணம் கொண்டும் உதாசீனப்படுத்தாதீர்கள். மாற்றுத் திறனாளிகளைப் பார்த்து பாவப்படாதீர்கள். அதற்குப் பதிலாக முடியும் என்கிற தன்னம்பிக்கையைத் தாருங்கள்..." என்கிற மாதவி லதா, பேச்சில் மட்டுமின்றி செயலிலும் உயர்ந்து நிற்கிறார்.

மாதவி லதா... மனம் திறந்து...

லட்சியம் - ஊனமுற்றோருக்கான பள்ளி அமைப்பது
பேராசை - சாகசங்கள் பல நிகழ்த்த
பொழுது போக்கு- நிறைய புத்தகங்கள் வாசிப்பேன்
விரும்புவது - நான் அறிந்ததை பிறருக்கு சொல்லிக்கொடுப்பது
விரும்பாதது - மற்றவர்கள் என் மீது பரிதாபப்படுவது
பெற்றோர் - எனக்கு கடவுள் போன்றவர்கள்
பார்க்க விரும்பும் இடம் - இமயமலை
சந்தோஷமான தருணம் - எப்போதும்
தனிமை - அப்படியொன்றும் இல்லை
பிடித்த பொன்மொழி - தன் கையே தனக்குதவி